20.05.2024, 11:44 277
- Bu gün Vətən Müharibəsinin qəhrəman şəhidlərindən biri, xüsusi təyinatlı, kiçik çavuş Elvin Mustafa oğlu Teymurov 1999-cu il Babək rayonunun Nehrəm kəndində dünyaya göz açıb. 2005-2016-cı illərdə orta təhsilini Nehrəm qəsəbəsində yerləşən Elşad Əliyev adın 2 saylı tam orta məktəbdə alıb. 2017-2018-ci illərdə orta məktəbdə alıb. 2017-ci ildə hərbi xidmətə yollanıb və Culfa rayonunda XTQ-lərdə xidmət edib. 2020-ci ilin may ayından müddətdən artıq həqiqi hərbi xidmət qulluqçusu kimi Vətənə xidmətə başlayıb.
Azərbaycan Respublikası Müdafiə Nazirliyi Naxçıvan Əlahiddə Ümumqoşun Ordusunun MAXE əsgəri kimi kiçik çavuş Elvin Teymurov 2020-ci ilin oktyabr ayının 10-da Qarabağda hərbi əməliyyatlara qatılıb. Füzuli, Xocavənd və Hadrut istiqamətində döyüşlərdə mərdliklə iştirak edən Elvin oktyabrın 21-də Tuğ dağı istiqamətində gedən döyüşlərdə qəhrəmancasına şəhadətə ucalıb. Şəhidimiz oktyabrın 26-da Naxçıvan MR-nın Nehrəm qəsəbəsində böyük izdiham və ehtiramla torpağa tapşırılıb.
Azərbaycan Prezidenti İlham Əliyevin müvafiq sərəncamlarına əsasən Elvin Teymurov ölümündən sonra “Vətən uğrunda”, “Şuşanın azad olunmasına görə”, “Füzulinin azad olunmasına görə”, “Xocavəndin azad olunmasına görə”, “Hərbi xidmətlərə görə” medalları və 3-cü dərəcəli “Vətənə xidmətə görə” ordeni ilə tətif edilib.
Cənnətdəki doğum günün mübarək, məzarın nurla dolsun, qəhrəman Elvin balamız!
Mina RƏŞİD
