29.11.2023, 11:14 340
- Azərbaycan Respublikası Prezidenti İlham Əliyevin sərəncamı ilə Xankəndidə Qarabağ Universiteti yaradılması xəbəri torpaqlarımızın işğaldan azad olunması müjdəsi kimi çox sevindirici oldu. İndi hamı bu münasibətlə bir-birinə gözaydınlığı verir. Çünki, Qarabağ adlı möhtəşəm bir təhsil ocağının, özü də tarixi torpağımız, amma necə deyərlər, illərlə adı bizim dadı özgənin olan doğma Xankəndidə yaradılması bizi bir vətəndaş olaraq qürurlandırır.
Təhsil eksperti Adil Vəliyev ARB- 24 kanalına bildirib ki, Qarabağ Universiteti həm dördüncü sənaye inqilabı, həm də müasir əmək bazarının tələbləri istiqmətində yaradılacaq. Eyni zamanda bu təhsil ocağı strateji əhəmiyyətli olduğundan bölgələrin inkişafı üçün burada mühüm araşdırmalar aparılacaq. Ümumiyyətlə, Qarabağ Universiteti Azərbaycanda digər tədris ocaqlarından öz inkişafı və nüfuzu ilə seçiləcək. Hər bir təhsil işçisi bura can atacaq və arzu edəcək ki, o bir vətəndaş olaraq Qarabağ Universitetinə öz töhfələrini versin.
Mina RƏŞİD
