26.04.2022, 15:16 439
- "Biz Azərbaycan və Ermənistan arasında sülhün yaradılması üçün hər iki tərəflə işləyirik".
Bunu Avropa Şurasının İnsan Hüquqları üzrə Komissarı Dunja Mijatoviç Avropa Şurası Parlament Assambleyasının (AŞPA) keçirilən yaz sessiyası zamanı bildirib.
Onun sözlərinə görə, hər iki tərəf üzərinə götürdüyü öhdəlikləri yerinə yetirməlidir:
"Biz hər iki ölkənin rəhbərliyi ilə işləyirik. Biz iki ölkə arasında sülhün yaradılması və Qarabağ məsələsinə dair digər məsələlər üzərində işləməyə hər zaman hazırıq. Lakin bu, yalnız o halda mümkündür ki, hər iki tərəf üzərinə götürdüyü öhdəlikləri yerinə yetirsin". (Report)
