Komitənin Regional idarəetmə və status şöbəsinin müdiri Hüseynov Sənan Eldar oğlu və həmin şöbənin Status sektorunun baş məsləhətçisi Cavadova Sevda Mahmud qızı “Dövlət qulluğunda fərqlənməyə görə” medalı ilə təltif ediliblər.
S.Hüseynov Kəlbəcər rayonunda anadan olub. 1980-1990-cı illərdə Kəlbəcər rayonunda orta məktəbdə təhsil alıb. Azərbaycan Dövlət Neft Akademiyasının məzunudur. Birinci Qarabağ müharibəsində könüllü olaraq Kəlbəcər rayonunun müdafiəsində iştirak edib.
1996-2000-ci illərdə “HAYAT” Beynəlxalq Humanitar təşkilatında proqram rəhbəri kimi fəaliyyət göstərib. Qaçqınların və Məcburi Köçkünlərin İşləri üzrə Dövlət Komitəsində 2000-ci ildən işləyir, şöbə rəisinin müavini, şöbə rəisi, departament direktoru vəzifələrində çalışıb. Hazırda komitənin Regional idarəetmə və status şöbəsinin müdiridir.
S.Cavadova 2005-2009-cu illərdə Azərbaycan Beynəlxalq Universitetində “İqtisadiyyatın hüquqi tənzimlənməsi” ixtisası üzrə təhsil alıb. 1999-cu ildən Qaçqınların və Məcburi Köçkün-lərin İşləri üzrə Dövlət Komitəsində müxtəlif idarə, departmanet və şöbələrdə çalışıb. Hazırda Regional idarəetmə və status şöbəsinin Status sektorunun baş məsləhətçisidir.
Dövlət Komitəsinin hər iki əməkdaşını təbrik edir, onlara şəxsi həyatda və xidməti vəzifələrinin icrasında uğurlar arzulayırıq!