11.10.2023, 13:49 341
- Bu gün növbəti köç karvanı Bakı şəhərinin Qaradağ rayonundakı “Qobu park 3” yaşayış kompleksindən yola salınıb. Bu mərhələdə Füzuli şəhərinə daha 22 ailə - 50 nəfər köçürülüb.
“Atam Füzulidən danışanda söhbətləri mənə nağıllar aləmini xatırladırdı. Atamın danışdığı nağıllar gerçək oldu. Mən indi o nağıllar aləminə, Füzuliyə gedirəm”. Bunu Füzuli rayonundan olan beşinci sinif şagirdi Kifayət İctimai Televiziyanın onunla bağlı hazırladığı sujetdə deyir. Kifayət danışır ki, atamın dediyinə görə ora çox gözəl yer imiş, ama sonra ermənilər oranı darmadağın ediblər. İndi Azərbaycan Prezidenti İlham Əliyevin sayəsində biz geri qayıdırıq, həm də şəhidlərimizin qəhrəmanlığı sayəsində. Allah ordumuzu qorusun. Füzuli üç ildir ki, işğaldan azad olunub. Orda tikinti işləri aparılır. Mən bunu çoxdan bilirdim. Atamdan soruşurdum ki, nə vaxt gedəcəyik?
Deyirdi ki, 2-3 ilə gedəcəyik. Artıq o 2-3 il ötüb keçdi. İndi biz qayıdırıq. İlk dəfə doğma yurdumuz Füzulidə olacağam, çox həyacanlıyam.
Hazırladı: Tahirə AĞAMİRZƏ
