15.01.2024, 12:21
- Türk qardaşlarımız demiş, bu Nikol var ya, elə bil i keçəl başını Makrona icarəyə verib, özü isə hansısa küt erməni çobanın başını götürüb. Əgər belə olmasaydı, Göyçəmizdə yerləşən, babalarımızın Kəvər adlandırdığı məkanda özünün partiya yoldaşları ilə görüşündə deməzdi ki, üçtərəfli bəyanatda Zəngəzur dəhlizi barədə bir kəlmə də yoxdur və kim orada bu sözü tapsa, ona mükafat verəcək... Bir dostum var, ermənicə yaxşı bilir, ermənicə elə danışır, oxuyur, yazır ki, az qalır deyəm ki, başın erməni başıdır, amma demirəm, bilirəm ki, dəlisi tutacaq, deyəcək ki, bu da mənə verilən dəyər. O dəfə həmin dostum Nikolun bu çıxışını ermənilərin "Hraparak" media qrupunda oxuyub və dəli kimi qışqırıb, ermənicə deyib ki, sud asoği,,,,,yəni yalan deyənin....
Axı, Azərbaycanın Naxçıvan bölgəsi ilə nəqliyyat yolunun açılmasının zəruriliyi həmin üçtərəfli bəyanatda Azərbaycan, rus və erməni dillərində açıq-aydın yazılıb. Onu Makron fransız, Rəisi fars, Co Bayden ingilis dilinə düppədüz tərcümə də etdirib və əzbərləyənədək oxuyublar. Durub deməzlərmi, ara Nikol, nə sərsəmləyirsən, bu boyda yalan olmaz, axı.Nə olsun ki, sənə biz də, soydaşımız olan hinduslar da beş-altı paslı dəmir parçası vermişik, ağlını başına yığ, bizə arxayın olsan da, təpənə yenə dəmir yumruq dəyəndə bizlik deyil, haaa!
Bir erməni də Həmin iclasda söz alıb deyib ki, biz vuruşa bilmirik, amma fitə, hay-küyə gedənik, belə davam etsə Bakı həbsxanalarında erməni əlindən tərpənməyə yer qalmayacaq, yaxşısı budur, Azərbaycanın dediklərinə əməl edək. Paşinyan yenə əsib-coşub, deyib ki, Azərbaycan bizi iti qovan kimi qovub, mən də səni partiyadan elə o cür qovaram və həmin hay başını aşağı salıb deyib ki, bağışla, nə edirsən et, hökumətin böyüyü mən deyiləm ki, sənsən. Nikol bu sözdən daha da coşub və deyib: mən baş nazirəm və nöqtə. Biz isə deyirik: Zəngəzur dəhlizi olacaq və nida!
N.Qaramanlı
