18.10.2023, 14:00
- Azərbaycan xalqının taleyüklü məsələlərinin həllində tarixi, şanlı və qürurverici reallıqlara imza atan İlham Heydər oğlu Əliyev 20 illik prezidentliyi dövründə bir daha təsdiq etdi ki, o, mili və dövlət maraqlarına sədaqətlə xidmət edir, Azərbaycanın dövlət müstəqilliyi və ərazi bütövlüyünün qorunması üçün bütün imkanlarını səfərbər edir, ağılı, uzaqgörən siyasəti nəticəsində Azərbaycan torpaqlarının işğaldan tam azad edilməsi üçün zəruri tədbirlər həyata keçirməkdədir.
Prezident İlham Əliyevin sözü ilə imzası sınaqlardan uğurla çıxaraq Azərbaycan xalqının qəlbində, şanlı tariximizdə əbədi olaraq yaşayacaqdır. Bu gün fəxr edirik ki, Qarabağımız işğaldan azad olunmuşdur, Azərbaycan bayrağı azad olunmuş torpaqlarda dalğalanır, bərpa quruculuq işləri sürətlə davam etdirilir, məcburi köçkünlərin doğma torpaqlarımıza ləyaqətli qayıdışı ardıcıl həyata keçirilir. İndi bütün xalqımız sevinir, yurd yerlərimiz öz doğma övladlarına qucaq açmışdır.
Hazırda əldə etdiyimiz nailiyyətlər üçün uzun illər lazım oldu, ədalətsizliklər, ikili standartlar bizi öz yolumuzdan döndərə bilmədi. Haqq nazilsə də, üzülmədi. Həsrətli ilərdə doğmalarımız vətən həsrəti ilə dünyamızdan köç etdilər, düşmən üzərində Qələbə - Zəfər gününədək minlərlə vətən övladları şəhid, qazi oldular. Lakin heç zaman xalqın milli ruhu sınmadı, mübarizə aparmaq yolunda daha da möhkəmləndi, nəticədə bax bu günümüzə gəlib çıxdıq.
Ali Baş Komandan İlham Əliyevin başçılığı altında Müzəffər Azərbaycan Ordusunun qazandığı rəşadətli qələbə tariximizin şanlı səhifəsinə çevrildi!
Prezidentimizə, onun Müzəffər Ordusuna, bütün xalqımıza sağlamlıq arzulayır, gözünüz aydın olsun deyirəm!
Qarabağ Azərbaycandır! 
